Бүгін "Әке - асқар тау, ана - бауырындағы бұлақ, бала - жағасындағы құрақ" тақырыбнда ата-аналарға арналған бірыңғай ашық есік күні өтті!

Іс-шара барысында мектеп-лицей директоры сөз сөйлеп, қазіргі таңдағы өзекті мәселелерге тоқталды. Бүгінгі іс-шараның мақсатымен таныстырды. Сонымен қатар, жоспарланған бағдарламаға сай ата-аналармен педагог-психологтар, сынып жетекшілер, пән мұғалімдері әр түрлі тақырыптарда тренинг, сайыс, спорттық ойындар өткізді. Шара соңында ерекше белсенділік танытқан ата-аналарға алғыс хаттар беріліп, кері байланыс жасалды. 
11 "C" сыныбының ата-анасы Марат Турабаев өтілген кешке өзінің ыстық лебізін келесі хатпен жеткізді:

         Жоғарыда айтылған жаңалықтан екі күн өте яғни, 30 қырүйекте мектеп-лицейдің жетекшілерімен «Әке – асқар тау, ана-бауырындағы бұлақ, бала-жағасындағы құрақ» атты ата-аналарға арналған бірыңғай ашық есік күні ұйымдастырылып өткізілді.

         Биік мінбеден сөз алған Астана қаласы Т.Жүргенов атындағы № 70 мектеп-лицейдің директоры Г.Байменова  іс-шараның бағыты мен мақсатын тілге тиек ете отырып, шақыруда бір кісідей жұмылып бас қосқан ата-аналарға, сонымен қатар Әжелер және әкелер кеңесінің мүшелері мен Ата-аналар академиясы құрамына шынайы алғысын білдірді.

         Іс-шара барысында психолог мамандар да өз тарапынан етене араласып жұмыс істеуіміздің маңыздылығын жеткізіп, мамандықтары туралы мәліметтер берді. Сонымен қатар, алдын ала құрылған жоспар бойынша ата-аналар «Интеллектум», «Спорттық ойындар», «Ой мен ойын» т/б.сс.  түрлі топтарға бөлініп, көрсетілімдерді тамашалап қана қоймай, қойылған лайықты сұрақтарға орынды жауаптар берді. Сарбаз сыныптарының автоматты шашып жию, жалпылама зақымданудан сақтану құралдарын тиімді пайдалана білу сияқты өнерлеріне де көз жеткіздік.

         «100 ән» тақырыбында караокеден ән шырқау мезеті келгенде, келушілердің көтеріңкі көңіл күйлеріне қарап, үлкен мерекелі тойға келіп қатысқандай әсер алғанымыз жасырын емес. Қазақтың «Қара жорға» биімен көпшілікті тамсандырғандар да табылды.

         Осындай тартымды іс-шараларды ұқыпты ұйымдастырып, көпшілікті жинауға негіз бола білген білім мекемесінің жетекшілігіне айтар алғысымыз шексіз.

Іс-шарада соңында белсенділік танытқандар марапатталып, көңілді бас қосу өз мәресіне жетті.
oqu_agartu_ministrligi
#gani.beisembayev
#medetbekovameruert
@medetbekovameruert
@oqu_agartu_ministrligi
Астана қаласының Білім басқармасы/ Управление образования города Астаны
Касымхан Сенгазыев Астана қаласы Әдістемелік орталығы
#біртұтас_тәрбие

Комментарии