Аудандық, қалалық, республикалық, халықаралық олимпиадалардың, конкурстардың, байқаулар мен жарыстардың жеңімпаздары туралы мәлімет

2021-2022 оқу жылында аудандық, қалалық, республикалық, халықаралық олимпиадаларға, конкурстарға, байқаулар мен жарыстарға қатысушылардың және жеңімпаздардың саны екі есеге артты. 2019-2020 оқу жылында 81 білім алушыжеңімпаз атанса, 2020-2021 оқу жылында 99 білім алушы, ал 2021-2022 оқу жылында 188 білім алушыжеңімпаз атанған.

2021-2022 оқу жылы

2020-2021 оқу жылы

2019-2020 оқу жылы

2021-2022 оқу жылындағы дарынды оқушылардың ғылыми жобаларға қатысу көрсеткіші

Ғылыми жобаның қалалық кезеңіне барлығы 22 оқушы қатысты. Оның бесеуі  1-орын, жетеуі 2-орын, тоғызы 3-орын иеленді және біреуі грамотамен марапатталды. Ал республикалық кезеңге барлығы 5 оқушы қатысты. Оның үшеуі 2-орын алды, екеуі грамотамен марапатталды.

2021-2022 оқу жылындағы 5-11сынып оқушыларының пәндік олимпиадаларға  қатысу көрсеткіші

Пәндік олимпиадалардыңаудандық кезеңінде 53  білім алушы үздік нәтиже көрсетті. Оның үшеуі  1-орынды,  жиырма бесі 2-орынды, он алтысы 3-орынды иеленді және жетеуі грамотамен марапатталды. Ал қалалық кезеңде 22  оқушы жақсы нәтиже көрсетті. Оның біреуі 1-орын,  он бесі 2-орын, төртеуі 3-орын иеленді және екеуі грамотамен марапатталды. Республикалық кезеңде математика пәнінен  10-сынып оқушысы Тілектес Олжас 3-орын жүлдегері атанды.

2021-2022 оқу жылындағы 5-11сынып оқушыларының конкурстарға

 қатысу көрсеткіші

Конкурстардыңқалалық кезеңінде 26 білім алушы үздік нәтиже көрсетті. Оның екеуі бас жүлде, оны  1-орын,  жетеуі 2-орын, жетеуі 3-орын иеленді және екеуі грамотамен марапатталды. Ал республикалық кезеңде 1  оқушы 3-орын иеленді.

2021-2022 оқу жылында бекітілген жұмыс жоспарына сәйкес дарынды оқушылардың тізімі анықталып, жүйелі жұмыстар жүргізілді. Әрбір мұғалім өз командасын жинақтап, білім алушылармен қосымша сабақтар ұйымдастырды.

Қыркүйек айының 25-і күні жалпы білім беретін пәндер бойынша республикалық олимпиаданың І кезеңі (мектепішілік) өткізілді. Олимпиадаға 5-11 сыныптардан 294 білім алушы қатысты. Мектепішілік олимпиадада 1-орын алып, үздік нәтиже көрсеткен білім алушылар аудандық кезеңге жіберілді.

Жалпы білім беретін пәндер бойынша 5-6 сынып оқушыларына арналған республикалық олимпиаданың нәтижесі

2021-2022 оқу жылы

Олимпиадаға қатысқан 15 оқушының 11-і мектепішілік кезеңнен өтіп, аудандық кезеңде 1 оқушы 1-орынмен, 6 оқушы 2-орынмен және 1 оқушы грамотамен марапатталды. Яғни, қатысқан оқушылардың 72%-ы үздік нәтиже көрсетті. Ал қалалық кезеңде 7 оқушының екеуі 3-орын, екеуі 2-орын және 2 оқушы грамота иегері атанды. Қалалық кезеңге қатысқан оқушылардың 85%-ы үздік нәтиже көрсетті.

  Қазан айының 14-і күні мектебімізде Нұр-Сұлтан қаласы әкімдігінің  «Астана дарыны»  дарындылықты дамыту және  психологиялық сүйемелдеу орталығының ұйымдастыруымен республикалық «Ақберен» өнер байқауының қалалық кезеңі өткізілді. Байқау алты номинация бойынша өтті. Мектебімізден «Көркемсөз оқу» номинациясына қатысқан 10 «В» сынып оқушысы Пармешов Елдос 1-орын, «Ақындар мүшәйрасы» номинациясына қатысқан 10 «Б» сынып оқушысы Куандыкова Аяулым 2-орын, «Ұлттық аспапта ойнау» номинациясына қатысқан 9 «С» сынып оқушысы Тілектес Жасұлан 3-орын, «Эссе жазу» номинациясына қатысқан 11 «В» сынып оқушысы Жүсіп Әсем 3-орын жүлдегері атанды.

    Қазан айының 28-і күні география пәнінен республикалық Ұлттық олимпиаданың мектепішілік кезеңі ұйымдастырылды. Мектепішілік кезеңге                     7-сыныптардан 9 оқушы, 8-сыныптардан 7 оқушы қатысты. Аудандық кезеңге               4 оқушы өтті. Ал қалалық кезеңге 2 оқушы өтіп, Қанатбек Жангир 2-орын алды.

Қазан айының 29-ы күні №11мектеп-лицейде Нұр-Сұлтан қаласы әкімдігінің  «Астана дарыны»  дарындылықты дамыту және  психологиялық сүйемелдеу орталығының ұйымдастыруымен қалалық «Әдебиет әліппесі» конкурсы өтті. Конкурс төрт номинация бойынша өткізілді. «Ақ желкен» номинация бойынша қатысқан Тастанбек Ақсана – бас жүлде, «Ойлан тап» номинация бойынша қатысқан Анықбай Айжан – бас жүлде, «Өнер алды» номинация бойынша қатысқан Мақсот Айзере – 2 орын, «Алтын сақа» номинация бойынша қатысқан Айтуған Айгерім – 2 орын иегері атанды.

          Қазан айының 15-і күні 80 мектеп-гимназияда Нұр-Сұлтан қаласы әкімдігінің  «Астана дарыны»  дарындылықты дамыту және  психологиялық сүйемелдеу орталығының ұйымдастыруымен қалалық «Сәкен оқулары» өткізілді. Байқау төрт номинация бойынша өтті. Мектебімізден «Қазақ әдебиетінің ақсұңқары» номинациясына қатысқан 10 «В» сынып оқушысы Пармешов Елдос 3-орын, «Сәкеннің сыр сандығы» номинациясына қатысқан 10 «Б» сынып оқушысы Куандыкова Аяулым 3-орын жеңімпазы атанды. Жеңімпаздарымызды құттықтаймыз.

Қараша айының 27-сі күні жалпы білім беретін пәндер бойынша республикалық ғылыми жобалар конкурсының қалалық кезеңі өткізілді. Ғылыми жобалар конкурсына 8-11 сыныптардан 9 білім алушы қатысты. Қатысқан 9 оқушының үшеуі 1-орынмен, екеуі 2-орынмен, төртеуі 3-орынмен марапатталды. Сондай-ақ, мектебіміз мектеп-лицейлер арасында жоғары нәтиже көрсеткені үшін 2-дәрежелі дипломмен марапатталды.

Математика пәнінен 5-6 сынып оқушыларына арналған республикалық «Алтын сақа» олимпиадасының аудандық кезеңіне 8 оқушы қатысты. 5-сынып оқушылары Әбдирашит Мейірман 1-орын, Айтпай Көркемай 2-орын, Ержан Ертөре 2-орын, Рахат Едіге грамота, 6-сынып оқушылары Жүсіп Айгерім, Айтуған Дегдар, Таңатқан Аңсар, Нығметуллаев Шадияр 2-орын иеленді. Қалалық кезеңде Ержан Ертөре 2-орын, Айтпай Көркемай грамота, Айтуған Дегдар грамота иегері атанды.

  Желтоқсан айының 8-і күні «Білім беруді жаңғырту орталығы» мен Смағұл Сәдуақасұлы атындағы № 78 мектеп-гимназияның ұйымдастыруымен Қазақстан Республикасы Тәуелсіздігінің 30 жылдығы мен мемлекет және қоғам қайраткері Смағұл Сәдуақасұлына арналған «Тарихта мәңгі өшпейтін ізі қалған» атты қалалық мүшәйра өтті. Мүшәйраға қатысқан 10-сынып оқушысы Қуандық Арайлым 3-орын иегері атанды.

Желтоқсан айының 9-ы күні KILC колледжінің ұйымдастыруымен Қазақстан Республикасы Тәуелсіздігінің 30 жылдығы аясында жыр алыбы Жамбыл Жабаевтың 175 жылдығына арналған «Жүз жасаған Жамбыл» атты қалалық мектепаралық байқау өтті. Байқауға қатысқан төрт оқушының біреуі грамотамен, біреуі 1-орынмен марапатталды.

10-сынып оқушысы Қажымұратұлы Байдалы 1-орын

Қазақстан Республикасы Тәуелсіздігінің 30 жылдығы аясында ел тарихы мен мәдени құндылықтарды дәріптеуге арналған Республикалық “Туған елің Қазақстанды білесің бе?”  атты байқауға қатысқан  6-сынып оқушысы Құрманәлі Арман қалалық кезеңде 1-орын жүлдегері атанып, республикалық кезеңде ІІІ дәрежелі дипломмен марапатталды.

           Жалпы білім беретін пәндер бойынша республикалық олимпиаданың ІІ (аудандық) кезеңіне 9-11 сыныптардан 31 білім алушы жіберілді. Оның 25-і үздік нәтиже көрсетті. Нәтиже көрсеткен 25 оқушының біреуі 1-орын, оны 2-орын, оны 3-орын иегері атанды, төртеуі грамотамен марапатталды.

Жалпы білім беретін пәндер бойынша республикалық олимпиаданың ІІ (аудандық) кезеңіне 7-8 сыныптардан 20 білім алушы жіберілді. Оның  12-сі үздік нәтиже көрсетті. Нәтиже көрсеткен 12 оқушының сегізі 2-орын, үшеуі 3-орын иегері атанды, біреуі грамотамен марапатталды.

Жалпы білім беретін пәндер бойынша республикалық олимпиаданың ІІІ (қалалық) кезеңіне 7-8 сыныптардан 11 білім алушы жіберілді. Оның  8-3і үздік нәтиже көрсетті. Нәтиже көрсеткен 8 оқушының алтауы 2-орын, екеуі 3-орын иегері атанды.

Жалпы білім беретін пәндер бойынша республикалық олимпиаданың ІІІ (қалалық) кезеңіне 9-11 сыныптардан 18 білім алушы жіберілді. Оның 12-сі үздік нәтиже көрсетті. Нәтиже көрсеткен 12 оқушының біреуі 1-орын, сегізі 2-орын, екеуі 3-орын иегері атанды, біреуі грамотамен марапатталды.

Наурыз айының 11-і күні өткен «Құтты білік» конкурсына қатысқан 3 оқушының біреуі 3-орынмен – Нұржігіт Аружан, 7-сынып оқушысы және екінші оқушы грамотамен марапатталды – Құрманәлі Арман 6-сынып оқушысы.

Наурыз айының 11-і күні өткен «Ілияс Есенберлин оқулары» конкурсы өтті. «Есенберлин тағылымы» эссе жазу номинациясына қатысқан 11-сынып оқушысы  Қайруллаева Шамшырақ грамота алды.

«Біз-өнерлі баламыз» атты оқушылар шығармашылығына арналған республикалық фестивальда «Қара сөз – дара сөз» номинациясы бойынша Ержан Ертөре 1-орынмен марапатталды.

«М.Әуезовтің рухани шәкірттері» конкурсына қатысқан 10-сынып оқушысы Мұхамедияр Ақбаян мен 8-сынып оқушысы Тұрсынова Дария 3-орынды иеленді.

ІІ қалалық Абай олимпиадасына  жеңімпазы 10 «В» сынып оқушысы Иманғазықызы Ақмаңдай қатысып,  2-орын иеленді.

Республикалық «Менің Отаныма – менің бастамам» жобасы конкурсының қалалық кезеңіне қатысып, 10-сынып оқушысы Куандыкова Аяулым – 2-орын, 7-сынып оқушысы  Нұржігіт Аружан – 2-орын, иеленген 7-сынып оқушылары Сайлаубек Алихан мен Арапбек Амина – 1-орын иегері атанды.

Республикалық «Мамандықтар әлемін ашамыз» конкурсына қатысқан Қажымұратұлы Байдалы 3-орын жүлдегері атанды.

«Астана дарыны» ДДжәнеПС орталығының жылдық жұмыс жоспары негізінде №74 мектеп- лицейімен бірлесе Нұр-Сұлтан қаласы білім беру мекемелерінің 7-11 сынып оқушылары арасында 2022 жылдың 6 сәуір күні республикалық М. Мақатаев оқуларының қалалық іріктеу кезеңін өткізді. Бұл кезеңге қатысқан 10-сынып оқушысы Куандыкова Аяулым 1-орын, Сергазова Аружан 3-орын иегері атанды.

2022 жылдың 9 сәуір күні «Астана дарыны» дарындылықты дамыту және психологиялық сүйемелдеу орталығы мен «Абай Құнанбайұлы атындағы №87 мектеп-гимназия» КММ бірлесіп, қалалық «Бір ғалымды көрсеңіз...» атты ІІ Абай ғылыми жоба байқауын өткізді. Байқауға қатысқан 10-сынып оқушылары Қажымұратұлы Байдалы мен Иманғазықызы Ақмаңдай 1-орын, 11-сынып оқушысы Жүсіп Әсем 2-орын, Тұрсынова Дария грамотамен марапатталды.

2-7 сынып оқушыларының арасында өткен ұлттық "Зерде" зерттеу жұмыстары мен шығармашылық қалалық конкурсының нәтижесі

          2-7 сынып оқушыларының арасында өткен ұлттық "Зерде" зерттеу жұмыстары мен шығармашылық республикалық конкурсының нәтижесі

Мамыр айында өткен Республикалық «Мағжан оқуларының» қалалық кезеңінің 2-орын жеңімпазы және қалалық Ілияс оқуларының 1-орын жеңімпазы 10-сынып оқушысы Куандыкова Аяулым, жетекшісі Ф.М.Жылқайдарова.

Мамыр айында өткен Республикалық «Мәшһүр Жүсіп оқуларының» қалалық кезеңінің 1-орын жеңімпазы 1-орын жеңімпазы 10-сынып оқушысы Иманғазықызы Ақмаңдай, жетекшісі А.Б.Бейсенбина.

Мамыр айында өткен І қалалық  «Қаныш Сәтбаев және Қазақстан ғылымы» ғылыми жоба конкурсының  грамота иегері 8-сынып оқушысы Тұрсынова Дария, жетекшісі Г.Ж.Нұрқабыл.

Республикалық «Қадыр оқуларының» қалалық кезеңінің 1-орын жеңімпазы 7-сынып оқушысы Ермек Думан, жетекшісі А.Б.Бейсенбина.

8 -11 сынып оқушыларына арналған Ө.М.Сұлтанғазин атындағы қалалық  математикалық  олимпиаданың 1-орын жеңімпаздары 10-сынып  оқушысы                                                             Тілектес Олжас және 11-сынып оқушысы Тұрсынәлі Ернар.

Мамыр айының 21 күні өткен Білім беру мекемелерінің 4-сынып оқушыларына арналған қалалық пәндік олимпиада нәтижесі:

2021-2022 оқу жылында білім алушылардың пәндік олимпиадаға қатысу деңгейі өте жақсы болды. Аудандық кезеңіне 40 білім алушы қатысып, оның 29-і үздік нәтиже көрсетті. Қазақ тілінен 4 орын; орыс тілінен 4 орын; ағылшын тілінен 1 орын, 3 грамота; тарихтан 3 орын; құқын негіздерінен 2 орын; географиядан                  2 орын; химиядан 2 орын; биологиядан 2 орын; информатикадан 2 орын; математикадан 2 орын; физикадан 1 грамота иеленді. Білім алушылардың 72%-і үздік нәтиже көрсетті. Пәндік олимпиаданың қалалық кезеңіне 22 білім алушы қатысты, оның 14 білім алушысы жүлделі орындармен, біреуі грамотамен марапатталды. Яғни, 69%-і үздік нәтиже көрсетті. Қазақ тілінен 2 орын, 1 грамота; орыс тілінен 3 орын; ағылшын тілінен 1 орын; тарихтан 3 орын; құқын негіздерінен 2 орын; информатикадан 1 орын; математикадан 1 орын иеленіп, республикалық кезеңге 4 білім алушы жолдама алды. Олар: орыс тілі пәнінен – Кадыров Хазретали 9-сынып, Куандыкова Аяулым 10-сынып, Қазтай Аяулым 11-сынып; математикадан – Тілектес Олжас 10-сынып. Тілектес Олжас республикалық кезеңнің 3-орын жүлдегері атанды. Нәтижесінде мектеп-лицейіміз пәндік олимпиадаға қатысу деңгейі мен көрсеткен нәтижесіне байланысты «Үздік команда» номинациясымен марапатталып, қала бойынша гуманитарлық пәндер бағытына 1-орынды жеңіп алды. Оқу жылының соңындағы «Астана дарыны» ДДжСО-ының көрсеткіші бойынша «Ең үздік олимпиадалық мектеп» номинациясымен елордалық үздік 10 қазақ мектебінің қатарына енді.

2021-2022 оқу жылында білім алушылардың конкурстарға, олимпиадаларға, зияткерлік ойындарға, іс-шараларға қатысу деңгейі өте жоғары болды. Нәтижесінде мектеп-лицейіміз ғылыми жобаларға қатысу деңгейі мен көрсеткен нәтижесіне байланысты «Үздік команда» номинациясымен марапатталып, қала бойынша                    2-орынды жеңіп алды. Оқу жылының соңындағы «Астана дарыны» ДДжСО-ының көрсеткіші бойынша «Үздік жас өнертапқыштар» номинациясымен елордалық үздік 10 қазақ мектебінің қатарына енді. Зерделі білім беру орталығының көрсеткіші бойынша да «Үздік команда» номинациясымен марапатталып, қала бойынша                  2-орынды иеленді.Биылғы оқу жылында жеңімпаздар мен жүлдегерлер саны көп. Осыған байланысты рейтинг жүргізіліп, 3 білім алушыға Т.Жүргенов атындағы шәкіртақы тағайындалды. Жеңімпаздар мен жүлдегерлерді марапаттау мақсатында «Жұлдыздар шеруі» ұйымдастырылып, «Астана дарыны» ДДжСО-ының директоры Ғ.Қ.Тұрсыновтың қатысуымен «Дарындылар аллеясы» ашылды. Бұл аллеяға қалалық конкурстар, ғылыми жобалар мен олимпиадалардан үздік нәтиже көрсеткен 60 білім алушының суреті ілінді.